Apple компанияси хабарлар алмашиш учун мўлжалланган iMessage дастури орқали пул кўчириб ўтказиш сервисини бета-режимда ишга туширди. Бу ҳақда TechCrunch нашри хабар берди.
Сервис Apple Pay Cash деб аталади, у iOS 11.2 beta 2 фойдаланувчилари ўртасида маблағларни бевосита кўчириб ўтказиш имконини беради.
Хабар қилинишича, фойдаланувчилар, шунингдек, хабарлар ёрдамида пул маблағи олиш учун сўров ҳам юбориши мумкин. Маблағ фойдаланувчининг Apple Pay’га қўшилган картасидан тушади.