БМТ Саудия Арабистони бошчилигидаги араб коалициясини Ямандан қамални олишга чақирди. Бу ҳақда «Корреспондент.net» хабар бермоқда.
«Қамал мамлакатга гуманитар ёрдам етказишга тўсқинлик қилмоқда. Портлар, аэропортлар, қуруқликдаги йўналишларнинг қамал қилиниши шундоқ ҳам аянчли бўлган вазиятга ўта салбий таъсир кўрсатди. Можаронинг барча томонлари портлар ва аэропортлар орқали тезкор ва бехатар гуманитар ёрдам етказилишига шароит яратиши лозим», — деди халқаро ташкилот вакили Стефан Дюжаррик .
БМТ га кўра, ҳозирда Яманда 20 миллион киши гуманитар ёрдамга муҳтож, улардан 7 миллион киши очлик ёқасида.
Эслатиб ўтамиз, араб коалицияси Ар-Риёдга ракета йўлланганидан сўнг 6 ноябрь куни Яман аэропорт ва портлари ёпилишини маълум қилди.
Изоҳ (0)