1980 йиллар бошида у бир қарашда анча кескин кўринган ғоялари баён қилинган тадқиқотларини матбуотда эълон қилди. Университетдаги ҳамкасбларининг кўпчилиги уларни қабул қилмади.
Лекин кейинчалик Талернинг ғоялари иқтисодиёт ва психология элементларини ўз ичига олувчи замонавий муомала иқтисодиётига катта ҳисса қўшди. Муомала иқтисодиётининг мақсади — нима учун одамлар у ёки бу қарорга келишини аниқлаш.
Аукцион ғолиблари кўпинча ўз пулларини йўқотади
Аукцион ғолибларининг хатолари икки ҳолатда намоён бўлади: одам бирон нарса учун унинг ҳақиқий нархидан кўпроқ тўлаганда ёки сотиб олган нарсаси кутганидек бўлиб чиқмаганда. Талер бу ҳодиса аукцион қатнашчиларининг хатти-ҳаракати оқилона эмаслигини исботлашини таъкидлайди.Одамлар шахсий буюмларининг қийматини орттириб кўрсатади
Ричард Талер томонидан оммалаштирилган яна бир тушунча «эгалик таъсири» деб аталади. Бу ғоянинг маъноси шундан иборатки, одам ўз буюмларига қаттиқ боғланган ва уларнинг қийматини ошириб баҳолайди.Узоқни кўра билиш — бу жуда фойдали хислат
Ричард Талерга Нобель мукофоти унвонини беришга қарор қилинишининг асосий сабабларидан бири, — бу унинг ўз-ўзини назорат қилиш мавзусидаги иши.Пенсия учун пул йиғишимиз зарур эканлигини ҳар биримиз яхши биламиз, лекин жуда камчилик одамлар ҳақиқатан ҳам буни бажарадилар. Чунки одамларнинг кундалик эҳтиёжларни ва узоқ муддатли тайёргарликни бирга қўшиб олиб боришлари қийин.
Бу оддий кашфиёт пулни кўпроқ тежаб қолишга имкон берувчи усул: маблағларни банк ҳисобига ўтказишни автоматлаштиришни ўйлаб топишга ёрдам берди.
Манба: «Лайфхакер»
Изоҳ (0)