Ҳиндистон жанубидаги Ченнаи шаҳрида бир ҳафтадан бери давом этаётган кучли ёғингарчилик оқибатида камида 12 киши ҳалок бўлди, дея хабар бермоқда «РИА Новости».
NDTV телеканали маълумотларига кўра, 10 мингдан зиёд аҳоли ҳукумат томонидан Тамилнад штатида махсус ташкил этилган лагерларда кучли ёмғир зарарларидан сақланмоқда.
Бундан ташқари, 31 октябрдан буён штатнинг бир қатор шаҳарларида мактаблар ёпиқ. Ёғингарчилик Ченнаши шаҳрининг қатор йўл ва кўчаларини ҳам сувга тўлдириб, транспорт ҳаракатини оғирлаштирган.
Изоҳ (0)