Марказий разведка бошқармасининг АҚШ собиқ президенти Жон Кеннедининг қотили Ли Харви Освальд билан алоқаси йўқ, деб хабар берди «РИА Новости».
1975 йилги Марказий разведка бошқармаси меморандумида таъкидланганидек, Освальднинг бошқарма билан муносабати ҳақидаги миш-мишлар «бутунлай асоссиз». Бу каби хулосага МРБнинг 1970 йиллардаги архивларини батафсил ўрганиш натижасида келинган. Освалднинг бошқа бир Америка махсус хизматлари билан ҳамкорлигини исботловчи бирорта далил ҳам топилмаган.
Шунингдек, маълум бўлишича, МРБ Освальдни у АҚШнинг 35-президентини ўлдиргач, СССРга яширинишга ҳаракат қилишда гумонланган. «У Собиқ Иттифоққа тинч йўл билан кўчиб ўтиш ҳақида ўйлаган, бироқ президент ўлдирилганидан сўнг, тезда қочиш мақсадида ҳужжат олиш жараёнида қатнашган», — дейилади МРБнинг 1963 йил 24 ноябридаги ҳужжатида.
Жон Кеннеди икки йилдан ортиқроқ вақт АҚШга раҳбарлик қилган ва у 1963 йилнинг 22 ноябрида Далласдаги сафари вақтида уюштирилган суиқасд оқибатида ҳалок бўлган.
Изоҳ (0)