Мексика давлат нефть ва газ компанияси Petroleos Mexicanos (Pemex) Веракрус штатида улкан нефть захирасига эга кон борлиги аниқланганини маълум қилди. Бу ҳақда Associated Press агентлигига таяниб, «Интерфакс» хабар берди.
Мексика кўрфази қирғоқларида аниқланган кон 1,5 миллиард баррелдан ортиқроқ нефть захирасига эга. Pemex’нинг ҳисоблашича, ушбу нефть захирасини ўзлаштириш яқин вақтлар ичида амалга оширилади ва бу иш унчалик қимматга тушмайди, чунки объект мавжуд инфратузилманинг яқинида жойлашган.
2017 йилда Мексика нефть ишлаб чиқариш бўйича сўнгги 22 йил ичидаги рекорд даражада паст кўрсаткични қайд этди. Июль ойида кунига 2 миллион баррелдан камроқ кўрсаткичга тушиб кетган.
Шу билан бирга, ушбу мамлакат ОПЕКга аъзо бўлмаган давлатлар орасида энг йирик нефть ишлаб чиқарувчи ҳисобланади.
Изоҳ (0)