Покистон шимоли-ғарбидаги Гардай қишлоғида содир бўлган кўчки оқибатида саккиз нафар бола ҳалок бўлди, яна икки нафари жароҳат олди. Бу ҳақда AP’га таяниб, «Корреспондент.net» хабар берди.
Таъкидланишича, нохуш ҳодиса Бажор қабиласи ҳудудида, болалар ўз уйларини мустаҳкамлаш учун тупроқ йиғаётган вақтида содир бўлган. Етти нафар қиз ва бир нафар бола вафот этган, яна икки нафар қизни қутқаришга муваффақ бўлинган. Болаларнинг ёши 8—10 оралиғида бўлган.
Маҳаллий амалдор Ориф Хоннинг қўшимча қилишича, қутқарувчилар узоқ вақт давомида болаларни кўчки остидан қутқариб олиш операциясини амалга оширган.
Изоҳ (0)