АҚШнинг Ўзбекистондаги элчиси Памела Спратлен ва элчихонанинг маданият ишлари бўйича ходими Кирстен Миченер, 30 октябрь куни Бердақ номидаги Қорақалпоқ давлат университетига ташриф буюрди. Бу ҳақда университет расмий сайти хабар бермоқда.
Памела Спратлен ректор Ахмет Реймов билан чет тиллари факультетидаги Ахборот ресурс марказининг очилиш маросимида иштирок этди.
Элчи марказга 231 номдаги 600 дан ортиқ китобларни совға қилди.
АҚШнинг Ўзбекистондаги элчихонаси томонидан 2017 йил июнь ойида университетга талабалар инглиз тилини мукаммал ўрганиш учун баҳоси 15,677 минг доллар бўлган инглиз тилидаги китоблар ва 1,218 минг долларлик телевизор ва компьютер жиҳозлари ажратилди.
Учрашув савол-жавоб ва суҳбат асосида давом этди.
Изоҳ (0)