Жорий йилнинг 18—19 октябрь кунлари Ўзбекистон делегацияси Инвестициялар бўйича давлат қўмитаси раиси ўринбосари Шамил Бурнашев раҳбарлигида Қозоғистонда бўлиб ўтган VII Марказий Осиё савдо форумида иштирок этган эди. Шунингдек, «C5+1» Марказий Осиё давлатлари ва АҚШ минтақавий ҳамкорлик доирасида экспорт учравушларида ҳам иштирок этди. Бу ҳақда «Правда Востока Online» хабар бермоқда.
Тадбир доирасида Ўзбекистон стенди ташкил этилиб, унга ташриф буюрувчилар юртимизнинг турли соҳалардаги ютуқлари билан танишиш имконига эга бўлди.
Ялпи йиғилишда иқтисодиёт, кичик ва ўрта бизнесни ривожлантириш борасида амалга оширилаётган чора-тадбирлар ва транспорт-логистика имкониятлари ҳақида сўз борди.
Ўзбекистон делегацияси раҳбари иштирокчиларни мамлакатимизда 2017—2021 йилларга мўлжалланган инвестицияларни жалб қилиш, иқтисодиётни эркинлаштириш борасида амалга оширилаётган ишлар билан таништирди.
VII Марказий Осиё савдо форуми натижаларига кўра Ўзбекистон делегацияси 10 миллион АҚШ долларилик шартномалар имзолади. Форум доирасида Марказий Осиёдаги бўлғуси олди-сотдилар бўйича жами 26 миллион долларлик шартномалар тузилди.
Изоҳ (0)