Навоий вилоятида 80 фоиз маҳсулоти экспорт қилинадиган «Навоий тинч текстил» корхонаси яқин кунларда ишга тушиши кутилмоқда. Хитой тараққиёт банки кредити бўйича пайпоқ тўқувчи 40 машина ва ёрдамчи техник ускуналар сотиб олиниб, 150 ишчи ўрни яратиш режалаштирилган.
Бироқ, «Правда Востока Online»нинг ёзишича, «Ўзсаноатқурилишбанк» Навоий ҳудудий филиалининг сусткашлиги 2016 йилда Хитой компанияси билан молиялаштиришга оид тузилган шартнома лойиҳасини амалга оширишдаги энг катта тўсиқ бўлиб қолмоқда.
«Маълум даражада сарф-харажатларни қилиб, бинони тайёр ҳолатга келтирган тадбиркор банк тизимидан бундай муносабатни кутмаган эди», — деб ёзади «Правда Востока Online».
Банк филиалидан олинган билдириш хатида халқаро кредит линиясида пул маблағларининг йўқлиги сабабли мижозга миллий валютадаги банк заёмларидан фойдаланиш тавсия қилинган.
«Бу молиявий асоси юлиб олинган корхонанинг кейинги фаолиятига тўғри келармикан?», — дейилади «Правда Востока Online» ахборотида.
Изоҳ (0)