Navoiy viloyatida 80 foiz mahsuloti eksport qilinadigan “Navoiy tinch tekstil” korxonasi yaqin kunlarda ishga tushishi kutilmoqda. Xitoy taraqqiyot banki krediti bo‘yicha paypoq to‘quvchi 40 mashina va yordamchi texnik uskunalar sotib olinib, 150 ishchi o‘rni yaratish rejalashtirilgan.
Biroq, “Pravda Vostoka Online”ning yozishicha, “O‘zsanoatqurilishbank” Navoiy hududiy filialining sustkashligi 2016-yilda Xitoy kompaniyasi bilan moliyalashtirishga oid tuzilgan shartnoma loyihasini amalga oshirishdagi eng katta to‘siq bo‘lib qolmoqda.
“Ma’lum darajada sarf-xarajatlarni qilib, binoni tayyor holatga keltirgan tadbirkor bank tizimidan bunday munosabatni kutmagan edi”, — deb yozadi “Pravda Vostoka Online”.
Bank filialidan olingan bildirish xatida xalqaro kredit liniyasida pul mablag‘larining yo‘qligi sababli mijozga milliy valyutadagi bank zayomlaridan foydalanish tavsiya qilingan.
“Bu moliyaviy asosi yulib olingan korxonaning keyingi faoliyatiga to‘g‘ri kelarmikan?”, — deyiladi “Pravda Vostoka Online” axborotida.
Izoh (0)