Нью-Йорк суди ИШИД сафига қўшилишга уринган Ўзбекистон фуқароси Абдурасул Жўрабоевни 15 йил қамоқ жазосига ҳукм қилди. Бу ҳақда АҚШ адлия вазирлигига таяниб, «ТАСС» хабар бермоқда.
«Жавобгар ИШИД аъзоси сифатида зўравонликларни амалга оширишга уринган ва АҚШ ҳамда ундан ташқарида фаолият кўрсатишга тайёр бўлган», — дейилади АҚШ адлия вазирлиги сайтида жойлаштирилган пресс-релизда.
Ҳужжатда 2014 йили Жўрабоев ўзбек тилидаги сайтда худкуш бўлиш ва ўша пайтдаги АҚШ президенти Барак Обамани ўлдириш истагини билдиргани кўрсатилган.
Олдинроқ тарқатилган маълумотларга кўра, Абдурасул Жўрабоев 2015 йил мартида Сурияга бориш учун Нью-Йоркдан Истанбулга учишга ҳаракат қилади. Ўша йили 14 августда у ўз айбини тан олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)