Каталония мухторияти маркази — Барселона шаҳри мэри Ада Колау минтақавий ва федерал ҳукумат нуқтаи назарларини қарор қабул қилишга шошилаётган локомотивларга қиёслади ва мулоқотнинг давомида бирор тарафда турмасликни маслаҳат берди. Бу ҳақда Колау Facebook’даги саҳифаси орқали маълум қилди, деб хабар беради «РБК».
«Биз кўп йиллар давомида хавф ҳақида огоҳлантириб келдик, охирги ҳафталарда эса тўқнашувларнинг олдини олишга уриндик», — маълум қилди Колау хоним.
Унинг сўзларига қараганда, Каталонияда ва Испанияда кўпчилик келишиб иш қилиш тарафдоридир.
«Аммо энди биз Каталония институтларини ҳимоя қилишимиз, Барселона ва Каталония ижтимоий бирдамлиги ва гуллаб-яшнашини сақлаб қолиш учун ҳаракат қилишимиз лозим. Биз одамлар билан Испания ҳукумат ҳуқуқларимизни камситмаслиги учун курашамиз», — деб сўзига якун ясади мэр.
Изоҳ (0)