Россия қурол-яроғлари партиясининг экстремистларга қарши курашни қўллаб-қувватлаш доирасида Филиппинга юборилиши АҚШни хавотирга солмайди, деди Пентагон раҳбари Жеймс Мэттис. Бу ҳақда «РБК» хабар бермоқда.
Таиландга парвози чоғида журналистлар билан уюштирилган мулоқотда Мэттисдан Россия ва Хитойдан Филиппинга қурол етказиб берилишини изоҳлашни сўрашди. Пентагон раҳбари бундан хабардор эканлигини, аммо бу масала муҳим аҳамиятга эга деб ҳисобламаслигини айтди.
«Мен бунга катта аҳамият бермайман. Бир нечта юк машиналари мамлакатга террорчилар билан курашда ёрдам бериш учун берилганини биламан. Бунга алоҳида аҳамият қаратмайман. Бу Филиппиннинг суверен қарори», — деди у.
Аввалроқ Россия Филиппинга қурол-яроғ, ўқ-дори ва армия юк машиналари каби жанговар хусусиятга эга маҳсулотлар партиясини етказиб берган эди.
Изоҳ (0)