Россия бош вазири Дмитрий Медведев кейинги ҳафта Ўзбекистонга расмий ташриф билан келади. Бу ҳақда UzNews хабар бермоқда.
Расмий ташрифи чоғида Медведев Ўзбекистон Президенти Шавкат Мирзиёев билан учрашади ҳамда МДҲ ҳукуматлари раҳбарлари кенгаши йиғилишида иштирок этади.
Ўзбекистон бош вазири Абдулла Арипов билан музокаралар 2 ноябрга мўлжалланган. Учрашув чоғида ўзаро алоқаларнинг ривожланиш истиқболлари, шунингдек, минтақавий ва халқаро миқёсдаги долзарб масалалар кўриб чиқилиши кутилмоқда.
Музокаралар якунларига кўра ҳукуматлараро, идоралараро ва корпоратив ҳужжатлар пакети имзоланиши кутилмоқда.
3 ноябрь куни Тошкентда Медведев МДҲ ҳукуматлари раҳбарлари кенгаши саммитида иштирок этади.
Изоҳ (0)