23 октябрь куни Тошкентдаги Ҳайдар Алиев номидаги Озарбайжон маданият марказида «Оловлар мамлакатининг нақшлари» мавзусидаги Озарбайжон гиламлари залининг очилиш маросими бўлиб ўтди. Бу ҳақда маданият маркази матбуот хизмати хабар бермоқда.
Озарбайжон маданият маркази мамлакатнинг миллий рамзига айланган гилам санъатини намойиш этди.
Маданият марказининг янги очилган залидан Озарбайжон гиламлари, миллий кийим ва бош кийимлари, миллий чолғу асбоблари ўрин олган.
Тадбирда иштирокчиларга Озарбайжон гилам санъати, унинг тарихи, безаклари ҳақидаги видеоролик намойиш этилди.
Маданият марказида доимий равишда фаолият юритадиган кўргазмадан Озарбайжоннинг еттита асосий гиламчилк мактабларининг ишлари билан танишиш мумкин.
Очилиш маросимида маданият маркази директори Самир Аббосов сўзга чиқиб гиламлар Озарбайжонда кенг тарқалган санъат турларидан бири эканлиги ва уларда миллатнинг буюк истеъдоди акс этишини қайд этди.
Изоҳ (0)