24—25 октябрь кунлари Қорақалпоғистон Республикаси Нукус шаҳри ва Мўйноқ туманида «Орол балиқларидан 99 турдаги таомлар» гастрономия фестивали,«Орол ва Мўйноқнинг қайта тикланиши» экофестивали, Бердақ ва Ажинияз халқ шоирларининг шеърий-мусиқий халқаро фестиваллари ўтказилмоқда. Бу ҳақда Маданият вазирлиги матбуот хизмати хабар бермоқда.
Тадбирларнинг биринчи куни яъни 24 октябрда И.В.Савицкий номидаги Қорақалпоқ давлат санъат музейида фестиваль қатнашчилари иштирокида «Орол балиқларидан 99 турдаги таомлар» гастрономик фестивали, «Орол ва Мўйноқнинг қайта тикланиши» экофестивали, Бердақ ва Ажинияз халқ шоирларининг шеърий-мусиқий халқаро фестивалларнинг тантанали очилиши ва илмий конференция ўтказилади.
Фестивалга хорижий давлатлар ва Республиканинг турли вилоятларидан ташриф буюрган меҳмонлар ҳамда иштирокчиларни санъат музейининг 1—2-блокларида жойлашган экспозициялар билан таништириш ва саёҳат сўнгида музей фойесида Бердақ номидаги қорақалпоқ давлат академик мусиқали театри симфоник оркестрининг ижросида концерт дастури намойиш этилади.
Бердақ номидаги қорақалпоқ давлат академик мусиқали театрида фестиваль меҳмонлари ва иштирокчиларига Қашқадарё вилояти театрининг «Танҳо қайиқ» номли спектаклини намойиш этиш каби кўплаб маданий тадбирлар белгиланган.
Изоҳ (0)