Таиланднинг Патхумтхани провинциясида 21 октябрь куни «Бангкок Спортс Клаб» ва «Сатри Ангтхонг» футбол жамоалари ўртасида ўйин бўлиб ўтди. Ўйиннинг асосий вақтида 2:2 ҳисоби қайд этилди ва футболчилар пенальтилар сериясига ўтди, деб ёзмоқда Meduza.
Пенальтилар сериясида ҳам ғолибни аниқлаш осон бўлмади. Ҳисоб 19:19 гача борди, бироқ якунда «Бангкок Спортс Клаб» ўйинчиси тепган тўп дарвоза тўсинига тегди, «Сатри Ангтхонг» дарвозабони эса буни ғалаба деб ўйлаб, қувонч билан майдон марказига югуриб кетди.
Тўсинга тегиб, учиб кетган тўп яна дарвоза томонга тушди ва сакраб-сакраб дарвоза тўридан жой олди.
«Сатри Ангтхонг» ўйинчиси эса кейинги пенальтини ура олмади ва «Бангкок Спортс Клаб» ўйинда ғолиб чиқди.
Изоҳ (0)