Намибия шимолидаги Этоша миллий боғида каркидон браконьерларга ташланиб, уларни тум-тарақай қочириб юборди, деб ёзади Daily Mail.
Гўёки безгак, ревматизм ва бошқа кўплаб касалликларда ёрдам берувчи халқона дори тайёрлашда қўлланилгани учун Осиёда талабгир бўлган каркидон шохини сотиш мақсадида овлашга келган браконьерлар у ўзларига яқин келганини сезмай қолди, шу туфайли ҳайвон уларга биринчи бўлиб ҳамла қила олди. Овчилар қоча бошлади, аммо улардан бири қоқилиб, йиқилиб тушди. Каркидон овчига етиб олиб, унинг оёғига шикаст етказди.
Овчилар ярадор дўстини яқин орадаги ғорга яшириб қўйди, уни эртаси куни полиция ахтариб топди. У оғир оёқ травмаси билан касалхонага юборилди, айни пайтда ҳуқуқ-тартибот органлари ходимлари назорати остида даволанмоқда.
Изоҳ (0)