АҚШ федерал қидирув бюроси жорий йилда маълумотлар мазмуни билан қизиққан смартфонларнинг ярмидан кўпига бузиб киролмаган. Бу ҳақда бюро директори Кристофер Рэйнинг сўзларига асосланиб, «Газета.ru» хабар бермоқда.
Рейнинг сўзларига кўра, федерал агентлар 6,9 мингта смартфонга бузиб киролмаган.
«Бу катта муаммо. Бу наркотиклар, одам савдоси, терроризм, болалар устидан зўравонлик, ташкилий жиноятчилик каби турли йўналишлар бўйича текширишлар ўтказишга таъсир кўрсатади», — дейди у.
ФҚБ директори энг жиддий муаммолардан бири сифатида гаджет ишлаб чиқарувчи компаниялар билан шифрлаш юзасидан келиб чиқадиган келишмовчиликни айтиб ўтди.
Унинг таъкидлашича, судлар гумонланувчиларнинг қурилмаларидаги ҳимояланган маълумотларни ўрганишга бюронинг ҳуқуқи борлигини тасдиқлаган, бироқ ишлаб чиқарувчи—компаниялар ҳуқуқ-тартибот органлари билан ҳамкорлик қилишни истамайди.
Рэй агарда томонлар мазкур масала бўйича ўзаро бир қарорга кела олмаса, келгусида вазият янада оғирлашиши мумкинлигини қўшимча қилди.
Изоҳ (0)