Япониянинг Хонсю оролидаги Фукусима префектурасида яшовчи 81 мингдан ортиқ фуқаро «Лан» тайфуни оқибатида юзага келган сув тошқинлари хавфи туфайли эвакуация қилинади. Бу ҳақда «ТАСС» хабар бермоқда.
Маҳаллий ҳукумат ўз сайтида ва SMS-хабарлар орқали фуқароларни тайфун хавфидан огоҳлантирмоқда. Улар фуқароларга уй томига чиқиб, ёрдам кутишни маслаҳат бермоқда.
Сув босган ҳудудларга қайиқларда қутқарув гуруҳлари юборилган. Айрим ҳолларда эса қутқарувчилар вертолётлар ёрдамида аҳолини қутқармоқда.
Японияда «Лан» тайфуни оқибатида икки киши ҳалок бўлди, 86 киши эса жароҳатланди.
Фукуока шаҳрида 63 ёшли маҳаллий аҳоли вакилларидан бири кучли шамол оқибатида устига қурилиш тўсиқлари қулаб тушиши оқибатида ҳалок бўлди.
Кисивада шаҳрида эса аёл киши автомобилида дарёга чўкиб кетган.
Мамлакатнинг турли ҳудудларида фуқаролар дарахт шохларининг синиб тушиши ва реклама баннерларининг қулаши оқибатида тан жароҳатлари олган.
Изоҳ (0)