Раққа шаҳрининг ИШИД тасарруфидан озод этилиши террорчилар билан курашишда муҳим ғалаба ҳисобланади, бироқ террорчилик ташкилотининг тугатилишини англатмайди. Бу ҳақда дин ва сиёсат институти директори Александр Игнатенконинг сўзларига асосланиб, «ТАСС» хабар бермоқда.
Шаҳарнинг курдлар томонидан ишғол этилиши эса вазиятни мураккаблаштиради.
«Раққанинг қўлга олиниши унинг ИШИДнинг пойтахти сифатидаги якунини англатади. Ҳозирда Раққа ‘Сурия демократик кучлари’ қўлига ўтмоқда. Бироқ, бу ҳаракат ИШИД устидан ғалабани англатмайди. Раққа, шунчаки бутун дунё бўйлаб террорчилик ташкилоти назоратида бўлган кўп сонли вилоятлардан бири эди», — дейди Александр Игнатенко.
Эксперт мисол тариқасида террорчиларнинг Мисрдаги ва Ғазо провинциясидаги ҳаракатларини келтириб ўтди. Мазкур ҳудудлардаги, шунингдек, Филиппиннинг Марави провинциясидаги тўқнашувларда, расмий маълумотларга кўра, 16 нафар полиция ходими ҳалок бўлган.
«Бу нуқталардан ташқари яна қирқтага яқин вилоятлар мавжуд», — дея таъкидлайди эксперт.
Экспертнинг таъкидлашича, ИШИД «мавжуд ва кенгаймоқда» сўзларини ўз шиорига айлантирган.
«Бу шиор ИШИДнинг мунтазам равишда кенгаяётганини англатади. Террорчилик ташкилотининг Суриядаги Раққа ва Ироқдаги Мосул шаҳарларидаги марказлари бошқа жойларга кўчирилмоқда. Ҳозир бу марказлар Мисрга жойлаштирилмоқда, айримлар эса уларнинг Афғонистон ҳудудига жойлашиши мумкинлигини тахмин қилмоқда», — дейди эксперт.
Изоҳ (0)