Чехия президенти Милош Земан АNО партияси парламент сайловларида ғолиб чиққан миллиардер Андрей Бабишга мамлакатнинг янги ҳукуматини тузишни топширишини маълум қилди. Бу ҳақда «РБК» хабар бермоқда.
«Парламентда янги бош вазир — Бабиш номзоди бўйича овоз беришда у кўпчилик томонидан қўллаб-қувватланишига ишонишни истардим», — деди Земан.
Мамлакат парламентига сайловларда АNО 29,6 фоиз овозини олди. Ундан кейинги партиялар салкам уч баробар кам овоз тўплади.
Шундай бўлишига қарамай, Чехиянинг энг бадавлат кишилари рейтингида 3,4 миллиард доллар билан иккинчи ўринни эгаллаб турган Бабиш коалиция тузиш учун шериклар қидиришига тўғри келади.
Изоҳ (0)