Буюк Британия ИШИД жангариларидан озод қилинган Раққа шаҳри аҳолисига гуманитар ёрдам кўрсатиш учун 10 миллион фунт (13,2 миллион доллар) ажратди. Бу ҳақда мамлакат халқаро тараққиёт вазирлиги маълум қилди, деб хабар беради «ТАСС».
«Халқаро ҳамжамият Сурияда тинч ҳаёт тикланишида фаол ёрдам бериши ўта муҳим. Шу боис Буюк Британия ҳамма нарсадан маҳрум бўлган кўплаб сурияликларга ёрдам бермоқда», — деди вазир Прити Патель.
Қироллик Раққага минадан тозалаш воситалари, дори-дармон ва ташхис жиҳозлари етказиб беради. Британиялик мутахассислар 145 минг тиббий маслаҳат ўтказиш ва 1,6 минг кишига руҳий ёрдам кўрсатишга сафарбар этилади.
Шунингдек, кам таъминланган сурияликлар биринчи эҳтиёж буюмларидан иборат 31 мингта тўплам тарқатилади.
Изоҳ (0)