2018 йилнинг 25 декабрида Сурхондарё вилоятининг Музработ тумани ташкил этилганига 50 йил тўлади. Бу ҳақда 20 октябрь куни бўлиб ўтган Халқ депутатлари Музработ туман Кенгашининг навбатдан ташқари сессиясида маълум қилинди.
Сессияда сўзга чиққан вилоят ҳокими Эркинжон Турдимов туманда бажарилиши лозим бўлган вазифалар, хусусан, қишлоқ хўжалиги соҳасидаги ишларни янада яхшилаш юзасидан масъул раҳбарларга ўз тавсияларини берди.
Ҳоким ўз нутқида кейинги йилда нишонланадиган Музработ туманининг 50 йиллик юбилейини ёруғ юз ва барча жабҳаларда улкан муваффақиятларга эришган ҳолда кутиб олиш зарурлигини таъкидлаб ўтди.
Маълумот учун, Сурхондарё вилояти Музработ тумани 1968 йилнинг 25 декабрида ташкил топган. Унинг маъмурий маркази Халқобод шаҳарчаси ҳисобланади. Туманда 37 та маҳалла фуқаролар йиғинлари фаолият юритади.
Аввалроқ, Музработ туманига Жовли Холмуродов ҳоким этиб тайинлангани ҳақида хабар берилган эди.
Изоҳ (0)