Фарғона вилояти Риштон туманида истиқомат қилувчи тадбиркор Дилшод Болтабоев ташаббуси билан туман бозорида халқ кутубхонаси ташкил этилди. Дилшод Болтабоев ижтимоий тармоқларда бозор ҳудудида кутубхона ташкил этиш мақсади борлигини, бунинг учун унга босма китоблар юбориш мумкинлигини эълон қилганди, деб хабар берди «Ziyouz.uz».
Бугун, 21 октябрь ўзбек тилига давлат тили мақоми берилганлигининг 28 йиллиги муносабати билан Риштон шаҳри марказидаги деҳқон бозори ҳудудида 300 дан ортиқ китобни жамлаган «Рошидоний» номидаги халқ кутубхонаси очилди. Катта китоб жавонини Дилшод Болтабоев ўз ҳисобидан ясаттирди.
Бунчалик кўп китоб йиғилади деб ўйламагандим. Жавонимизга баъзи китоблар сиғмай ҳам қолди. Кутубхона учун китобларни йиғишда Зоҳиджон ва Иброҳимжон акалар катта ёрдам бердилар. Хуршид Даврон, Исажон Султон, Ботир Эргашев, Хайрулла Ҳамидов, Баҳриддин Асрор каби муаллифлар ўз китобларини юборишганидан қувондим. Китоб жўнатган барча маърифатпарвар дўстларимга, ака-ука, опа-сингилларга катта раҳмат демоқчиман,Кутубхонада китоблар, газета ва журналлар ўрин олган. Бу ерда «Тафсири Ҳилол», «Ал-Азкор», «Риёзус солиҳийн» каби маърифий китоблардан тортиб, Алишер Навоий, Фёдор Достоевский, Александр Дюма, Чингиз Айтматов, Абдулла Қаҳҳор, Ўткир Ҳошимов, Абдулла Орипов асарларигача мавжуд.Дилшод Болтабоев, тадбиркор
Кутубхонадан фойдаланиш бепул. Исталган киши китобни олиб, фойдаланиши мумкин.
Дилшод Болтабоев ўзининг хазилга бой постлари орқали Facebook ижтимоий тармоғининг ўзбек аудиторияси орасида машҳурликка эришган.
Изоҳ (0)