Бухоро шаҳрида бугунги кунда 29 та автобус йўналиши аҳолига хизмат кўрсатмоқда. «Nuz.uz»нинг шаҳар транспорт департаментига асосланиб хабар беришича, шаҳар автобус паркида жами 360 та машина бўлиб, улар ҳар куни 130—150 минг йўловчини манзилига етказиб қўяди.
Ҳозирги вақтда шаҳарда 123 та автобус бекати бор. Келаси йил охиригача бекатлар сонини 242 тагача кўпайтириш режалаштирилган. Энг гавжум жойларда жойлашган бекатларга кондиционерлар ўрнатилади.
Шаҳар транспорт тизимида йўловчи ташишни тартибга солишнинг кейинги босқичида белгиланмаган жойларда йўловчи олиш ва тушириш бўйича қатъий чекловчи қоидаларни ўрнатиш бўлади. Ҳозирда бу қоидага шаҳар марказидаги айрим кўчалардагина риоя этилади.
Аввалроқ 2017 йил охиригача шаҳардаги 20 та автобус бекати кондиционерлар билан таъминланиши ҳақида хабар берилган эди.
Изоҳ (0)