Mercedes-Benz компанияси махсус йўлтанламас Mercedes-AMG G 65 AMG — Final Edition сўнгги версиясини тақдим этди. Алоҳида модифиткацияга эга модель энг қудратли йўлтанламасни ишлаб чиқариш якунлангани шарафига 65 нусхада чиқарилади, деб хабар берди «Мотор».
Сўннги модель одатдаги йўлтанламасдан бронза рангига бўялган 21 дюймли ғилдирак дисклари, кумушранг тормоз суппортлари ва ён томонидаги стикерлари билан фарқ қилади. Олд бамперда, радиатор панжарасида, орқани кўриш ойналари ва захира ғилдираги қопламасида ҳам бронза ранги элементлари мавжуд.
AMG G 65 Final Edition салонининг ўриндиқлари қора чарм билан қопланган бўлиб, унда ёрқин-жигарранг тикув изларини кўриш мумкин. Шунингдек, йўлтанламас салонига иситиш ва вентиляция тизимига эга кўп контурли ўриндиқ ва спорт рули ўрнатилган.
Махсус версия ҳам олти цилиндрли V12 двигатели билан жиҳозланган бўлиб, у 630 от кучига эга. Автомобиль етти поғонали узатмалар қутиси ёрдамида бошқарилади. 100 километр тезликка 5,3 сонияда чиқади. Максимал тезлиги эса соатига 230 километрни ташкил этади.
Жорий йилнинг охирига қадар G-Class’нинг янги авлоди чиқиши кутилмоқда. Йўлтанламас конструкциясида алюминийдан фойдаланилади, бу эса унинг оғирлигини тахминан 200 килограммга камайтиради.
Изоҳ (0)