Бирлашган Араб Амирликларининг Emirates 24/7 ахборот агентлиги сайтида Merritz юридик фирмасининг бошқарувчи шериги Диана Байзакованинг мақоласи эълон қилинди, деб ёзади «Kommersant.uz». У Ўзбекистонни дунёнинг янги инвестицион пойтахти деб атайди.
Хусусан, мақолада инвестициявий иқлимни яхшилаш соҳасида сўнгги йилда амалга оширилган ислоҳотлар тилга олинади. Муаллиф, шунингдек, Ўзбекистон президентининг БМТ Бош Ассамблеяси 72-сессиясидаги нутқини эсга олади.
«Ҳукумат ташаббуси билан амалга оширилаётган ислоҳотлар Ўзбекистонни иқтисодий нуқтаи назардан кучлироқ қилади. Шу билан бирга, амалга оширилаётган ўзгаришлар мамлакатга дунёнинг инвестицион пойтахтига айланиш имконини беради», — дейилади мақолада.
Бундан ташқари, таъкидланишича, валютанинг эркин конвертацияси савдо ривожланиши ва ишбилармонлик фаолияти ўсишини рағбатлантиради, шу тариқа иқтисодиётни мустаҳкамлайди.
Изоҳ (0)