Тайванлик манбанинг тасдиқлашича, Apple ноябрь ҳамда декабрь ойлари учун iPhone 8 ва iPhone 8 Plus’га бўлган буюртмаларни тахминан 50 фоизга қисқартирган. Бунинг оқибатида компания акцияларининг қиймати 1,5 фоизга тушиб кетган. Экспертларнинг таъкидлашича, бу каби ҳолат iPhone тарихида биринчи бор содир бўлиши, деб хабар берди «Hi-tech.mail.ru».
iPhone 7 ва iPhone 8 ўртасида фарқ борми?
iPhone X учун олдиндан буюртмалар бериш ҳали очилмаган, шу сабабли iPhone 8 Apple учун ҳам яхши, ҳам ёмон янгилик бўлиши мумкин. Пессимистик жиҳатдан қараганда, харидорлар iPhone 7 ва 8 ўртасидаги сезиларли фарқни кўрмагани учун кейинги анонсга қадар сабр қилишлари, оптимистик томондан эса, харидорлар янада инновацион iPhone X савдога чиқишини интизорлик билан кутаётган бўлишлари мумкин.
«Кутилганидан яхшироқ», аммо iPhone 7’дан ёмонроқ сотилмоқда
Мобил тармоқлар орқали iPhone 8’нинг савдоси борасидаги маълумотларнинг тасдиқлашича, iPhone 7 iPhone 8’дан анча яхшироқ сотилган. Буни Foxconn даромадлари тўғрисидаги ҳисобот ҳам тасдиқлайди. Шу билан бирга, Американинг йирик оператори ва сотувчиси AT&T’нинг қайд этишича, iPhone 8’нинг савдоси ўтган йилдаги iPhone 7’га нисбатан 900 мингга камроқ.
Ўз навбатида, бир қатор мутахассислар iPhone X’нинг сотилиши келгуси йилда смартфон саноати савдосининг ўсишига олиб келишини башорат қилмоқда.
Изоҳ (0)