Агарда Олий Рада деворлари атрофидаги намойишчилар парламентни тарк этмаса, Мальта президенти билан бўлиб ўтиши керак бўлган учрашув бекор қилиниши, тиббий ислоҳот ва депутат даҳлсизлиги борасидаги овоз бериш жараёнлари ўтказилмаслиги мумкин. Бу ҳақда парламент спикери Андрей Парубий маълум қилди, деб хабар берди «Корреспондент.net».
«Мен ушбу норозилик ташкилотчиларидан парламент биносига бемалол кириб-чиқишни ва халқ депутатларининг хавфсизлигини таъминлашларини талаб қиламан», — деди спикер.
Унинг қўшимча қилишича, бугун 18 октябрь соат 15:00 да Мальта президенти билан учрашув бўлиб ўтиши керак ва агарда намойишчилар Рада атрофини тарк этмаса учрашув амалга ошмаслиги мумкин.
«Бундан ташқари депутатларнинг ҳаёти ва соғлиғига қандайдир хавф таҳдид солса, пайшанба куни тиббий ислоҳатлар ва депутат даҳлсизлигини бекор қилиш учун ўтказилиши керак бўлган овоз бериш жараёнлари тўхтатилади. Шу сабабли мен кун тартибини бузмасликка чақираман. Олий Рада тўлақонли ва самарали ишлаши керак», — деди парламент спикери.
Эслатиб ўтамиз, 17 октябрь куни мухолиф сиёсатчи Михаил Саакашвилининг «Янги кучлар ҳаракати» партияси томонидан Олий Рада биноси олдида норозилик намойишлари ташкил этилди.
Изоҳ (0)