Сомалидаги теракт қурбонлари сони 189 кишига етди

Сомали пойтахти Могадишода рўй берган портлаш қурбонлари сони 189 кишига етди. Бу ҳақда, AP’га асосланиб, «Газета.ru» хабар бермоқда.

Шунингдек, 200 киши жароҳат олди. Вайроналар остида қолиб кетган одамлар қидирилмоқда.

Илгарироқ 85 қурбон ҳақида маълумот берилган эди.

Полицияга кўра, шаҳар марказида, ҳукумат бинолари, ресторанлар ва киосклар жойлашган чорраҳадаги меҳмонхона яқинида юк машинаси портлади. Бир неча бино вайрон бўлди, ўнлаб транспорт воситаси ёниб кетди.

Сомали президенти Муҳаммад Абдуллоҳи Муҳаммад мамлакатда уч кунлик мотам эълон қилди.