Somalidagi terakt qurbonlari soni 189 kishiga yetdi

Somali poytaxti Mogadishoda ro‘y bergan portlash qurbonlari soni 189 kishiga yetdi. Bu haqda, AP’ga asoslanib, “Gazeta.ru” xabar bermoqda.

Shuningdek, 200 kishi jarohat oldi. Vayronalar ostida qolib ketgan odamlar qidirilmoqda.

Ilgariroq 85 qurbon haqida ma’lumot berilgan edi.

Politsiyaga ko‘ra, shahar markazida, hukumat binolari, restoranlar va kiosklar joylashgan chorrahadagi mehmonxona yaqinida yuk mashinasi portladi. Bir necha bino vayron bo‘ldi, o‘nlab transport vositasi yonib ketdi.

Somali prezidenti Muhammad Abdullohi Muhammad mamlakatda uch kunlik motam e’lon qildi.