Қирғизистонда сайловдан кейинги даврда вазиятни беқарорлаштиришга бўлган ҳар қандай уриниш кескин бартараф этилади. Бу ҳақда мамлакат президенти Алмазбек Атамбаев сайлов участкаларидан биридаги овоз берганидан сўнг маълум қилди, деб хабар қилади «ТАСС».
«Қирғизистонда ҳар ким билганини қиладиган пайтлар ўтиб кетди. Кескин чоралар кўрамиз, қўлга олишлар давом этади. 1 декабрга қадар бунга ваколатим ва вақтим етади», — деди Атамбаев.
Қирғизистон раҳбари мамлакатда якшанба куни ўтказилаётган президентлик сайлови қандай тугаши, иккинчи босқич бўлиш-бўлмаслигини ҳеч ким билмаслиги, бу эса «сайлов чиндан ҳам очиқ ва адолатли ўтаётганини англатиши»ни билдирди.
Алмазбек Атамбаев вазифасидан кетганидан сўнг бош вазир ёки парламент спикери лавозимини эгаллаш нияти йўқлигини маълум қилди.
Изоҳ (0)