Россия мудофаа вазирлиги Майадин ИШИД жангариларидан озод этилганини маълум қилди

Сурия армияси Россия ҳаво-космик кучлари кўмагида Майадин шаҳрини ИШИД жангариларидан озод қилди. Бу ҳақда «Коммерсантъ» хабар бермоқда.

«Охирги ҳафтада Майадинга ИШИДнинг Ироқдаги энг жанговар захира кучлари сафарбар этилганди. Шаҳарда террорчилар тор-мор этилгани Сурия қўшинларининг тактик ютуқлари оператив муваффақиятларга айланишига асос яратди», — деди Россия мудофаа вазирлиги расмий вакили Игорь Конашенков.

Майадинни озод қилиш бўйича операцияга Сурия армияси генерали Ҳасан Сухел бошчилик қилгани билдирилмоқда.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.