Наманганда уч йигит ва икки қиз Чортоқ туманида жойлашган Короскон иқтисодиёт коллежини кўнгилхушлик учун манзил қилгани маълум бўлди. Бу ҳақда, «Постда» газетасига таяниб, «Qalampir.uz» хабар бермоқда.
Ўқув юрти қоровулхонасини спиртли ичимликлар ичиладиган жой, коллеж кутубхонасини эса исловотхонага айлантирганларнинг кўнгилхушлиги узоққа чўзилмади.
Ҳудуд профилактика инспектори бошчилигидаги гуруҳ «ижарачи» қоровул ва таълим масканини булғашга келган «ошиқ-маъшуқлар»ни шармандали ҳолатда қўлга олди. Бироқ ҳуқуқбузарларга нисбатан жиноий иш очиш ва содир бўлган воқеани раҳбариятга маълум қилиш ўрнига икки енгилтак қиз қўйиб юборилди, уч йигитга эса пора эвазига «ишни ёпиш» таклиф қилинди.
Йигитлардан бири 100 доллар эвазига жиноий иш очилишидан «қутулиб» қолди. Иккисидан ҳам пул талаб қилинади, аммо йигитлар инспекторлар ҳоли-жонига қўймай қўнғироқ қилавергач, тегишли идораларга хабар беради.
Ички ишлар ходимлари тамагирлиги учун жазога тортилгани маълум қилинмоқда.
Изоҳ (0)