Namanganda uch yigit va ikki qiz Chortoq tumanida joylashgan Koroskon iqtisodiyot kollejini ko‘ngilxushlik uchun manzil qilgani ma’lum bo‘ldi. Bu haqda, “Postda” gazetasiga tayanib, “Qalampir.uz” xabar bermoqda.
O‘quv yurti qorovulxonasini spirtli ichimliklar ichiladigan joy, kollej kutubxonasini esa islovotxonaga aylantirganlarning ko‘ngilxushligi uzoqqa cho‘zilmadi.
Hudud profilaktika inspektori boshchiligidagi guruh “ijarachi” qorovul va ta’lim maskanini bulg‘ashga kelgan “oshiq-ma’shuqlar”ni sharmandali holatda qo‘lga oldi. Biroq huquqbuzarlarga nisbatan jinoiy ish ochish va sodir bo‘lgan voqeani rahbariyatga ma’lum qilish o‘rniga ikki yengiltak qiz qo‘yib yuborildi, uch yigitga esa pora evaziga “ishni yopish” taklif qilindi.
Yigitlardan biri 100 dollar evaziga jinoiy ish ochilishidan “qutulib” qoldi. Ikkisidan ham pul talab qilinadi, ammo yigitlar inspektorlar holi-joniga qo‘ymay qo‘ng‘iroq qilavergach, tegishli idoralarga xabar beradi.
Ichki ishlar xodimlari tamagirligi uchun jazoga tortilgani ma’lum qilinmoqda.
Izoh (0)