Чехия президенти Милош Земаннинг Қримнинг кимга тегишли эканлиги борасидаги ёндашувини маъқуллаш мумкин, бироқ Украинага товон тўлаш таклифи ноўрин. Бу ҳақда Россия Давлат думасининг халқаро ишлар қўмитаси раиси Леонид Слуцкий маълум қилди, дея хабар беради «Корреспондент.net».
«Қримнинг Россияга қўшилганини юз берган ҳолат сифатида тан олинган Чехия президенти Милош Земан баёнотини фақат олқишлаш мумкин. Бироқ унинг Украинага қандайдир шаклда товон тўлаш таклифи танқидга ҳам арзимайди. Қрим — савдо-сотиқ ёки келишув мавзуси эмас. Яриморолнинг Россияга қўшилиши олди-берди эмас, халқ хоҳиш-истаги туфайли амалга ошди. Россия ҳеч кимга ҳеч нарса тўламайди», — деди сиёсатчи.
Олдинроқ Милош Земан Европа парламентидаги чиқиши чоғида Қрим масаласини Украинага товон тўлаш йўли билан ҳал этишни таклиф қилганди.
Шундан сўнг Киев Земаннинг мазкур баёноти учун Прага кечирим сўрашини талаб қилиши билдирилди.
Изоҳ (0)