Коррупцияга қарши кураш фонди (ККФ) директори Роман Рубанов ташкилот «У сизга Димон эмас» тадқиқотидаги маълумотларни ўчириб ташлаш ва рад этишни талаб қилган миллиардер Алишер Усмоновнинг даъвоси бўйича суд қарорини бажарганини маълум қилди, деб ёзади Meduza.
Рубанов таъкидлашича, ККФ суд қарори фильм жойланган YouTube-канал ва dimon.navalny.com сайти (у ердан материаллар ўчириб ташланмаган)га эгалик қилувчи Алексей Навальний томонидан бажарилиши учун жавобгар эмас.
ККФ сайтида ҳақиқатан ҳам Москванинг Люблинский туман суди қарори бўйича раддия эълон қилинган. Аммо Рубановнинг сўзлари бўйича, гўёки, раддия жойланган ККФнинг YouTube-канали ҳақида ҳеч нарса маълум эмас.
10 октябрь куни Роман Рубанов Алишер Усмоновнинг даъвоси бўйича суд қароридан кейин «У сизга Димон эмас» фильми парчалари ўчириб ташланмагани учун ҳибсга олинган эди. Кейинроқ уни чақирган вақтда ҳозир бўлиш мажбурияти остида қўйиб юборишди.
Изоҳ (0)