Сизнинг кайфиятингизни кўтарадиган, кузнинг ҳатто энг оғир ва ёмғирли кунларида ҳам тинчлантиришга ёрдам берадиган чойларнинг энг фойдали турлари ҳақида гапирмоқчимиз.
Ўтли чойлар
Ўтли чой — ўз соғлиғини эҳтиёткорлик ва ёқимли тарзда парвариш қилишнинг ажойиб намунаси бўла олади. Бундай ичимликларни бир ёки бир неча ўтлардан фойдаланиб ва унга севимли мевалардан қўшиб тайёрлаш мумкин.
Айнан ўтли чойлар таркибида энг кўп флавоноидлар — организмдан шлаклар ва токсинларни чиқариш хусусиятига эга бўлган, шунингдек метаболизмга ва юрак-томир тизимига ижобий таъсир кўрсатувчи моддалар мавжуд. Ва албатта, бошқа ҳамма чойлар сингари ўтли чойлар ҳам антиоксидантлар ва витаминларга жуда бойдир.
Жўка (липа) чойи
Жўка чойи — асал ҳидли, ғоятда фойдали, хушбўй ва ширин ичимлик. Уни тайёрлаш учун янги ёки қуритилган жўкадан фойдаланишингиз мумкин.
Бу ичимликни яхшиси олдиндан қиздирилган чинни чойнакка дамлаганингиз маъқул. Бир-икки қошиқ жўка гулларининг устидан қайноқ сув қуйинг ва 5-10 дақиқа дамланиш учун қолдиринг. Агар унинг ичига асал ёки мураббо, жўка гулларига эса мева пўстлоғи ёки ялпиз баргларидан қўшсангиз чой янада мазалироқ бўлади.
Резавор мевалардан чой
Резавор мевали чой — куз фаслида ичиш шарт бўлган ичимлик. Ҳамма резавор мевалар иммунитетни мустаҳкамлашда ва шамоллаш касалликларининг олдини олишда муҳим рол ўйновчи C витаминига жуда бой.
Бундан ташқари уларнинг таркиби витаминлар ва микроэлементлар: тери ва сочлар учун зарур бўлган А ва E витаминлари, организмдаги ҳужайралар ва тўқималарнинг ўсиши ва қайта тикланиши учун муҳим бўлган B2 ва B9 витаминлари, яхши кайфият учун энг зарур бўлган калий, кальций, темир ва магний моддаларига тўла.
Наъматакли чой
Наъматак — юқорида санаб ўтилган барча фойдали хусусиятларга эга бўлган резавор мева ҳисобланади.
Биз сизга наъматакдан мазали ва фойдали чой, кўзги касалликларнинг олдини олиш учун эса термосда дамлама тайёрлашни маслаҳат берамиз.
Манба: «Kitchenmag.ru»
Изоҳ (0)