Чипталар нархларининг пастлиги, одамларнинг камлиги, об-ҳавонинг қулайлиги — биз сизга нима учун мавсумлар ўртасида саёҳат қилиш ажойиблиги тўғрисида айтиб бермоқчимиз.
Чипталар ва меҳмонхоналар нархларининг пастлиги
Таътиллар мавсуми тамом бўлди, шунинг учун кўпчилик авиакомпаниялар ва меҳмонхоналар нархларни пасайтиради — жуда фойдали таклифларни топиш мумкин.
Энг қизиқарли йўналишларга арзон чипталарни ўтказиб юбормаслик учун авиакомпанияларнинг хабарномаларига обуна бўлинг.
Ажойиб куз табиати
Куз саёҳат қилиш учун йилнинг энг чиройли фасли бўлса керак. Сиз қаерга боришни хоҳлашингизнинг аҳамияти йўқ — Европадаги каттароқ шаҳарлардан биригами ёки Ўзбекистоннинг бошқа вилоятларигами. Сизни ҳамма жойда кузги ёрқин барглар қарши олади.
Бўм-бўш туристик жойлар
Кузда Эйфель минораси фонида атрофдаги туристларсиз расмга тушиш имкони бор. Энг машҳур туристик йўналишлар бўйлаб сайр қилиш жуда маза — саёҳатчилар тўдаси орасидан зўрға ўтиб олишга тўғри келмайди. Бундан ташқари, кузда шаҳарга маҳаллий яшовчилар кўзи билан қараш мумкин: шаҳар бозорига бориш, биронта кафеда ўтириб иссиқ ичимлик ичиш ва шошилмасдан шаҳар ҳаётини кузатиш мумкин.
Қулай об-ҳаво
Кузги об-ҳаво ҳаддан ташқари иссиқ ёки совуқни кўтара олмайдиган саёҳатчилар учун жуда мос келади. Шаҳарлар аллақачон ёзги жазирамадан совишга улгурди, лекин ҳаво ҳарорати ҳали нолдан пастга тушгани йўқ.
Машҳур ресторан ва меҳмонхоналарда бўш жойларнинг кўплиги
Ёзги шов-шувлардан кейин ҳатто энг машҳур жойларга бўлган талаблар ҳам тушиб кетди. Сизда шаҳарнинг энг машҳур ресторанида овқатланиш ёки бирон-бир ўзгача меҳмонхонада яшашга имконият бўлади.
Манба: The Challenger
Изоҳ (0)