Бу мақоламизда маблағингизнинг беҳуда сарфланишига сабаб бўладиган оммабоп хатолар ҳақида айтиб бермоқчимиз.
1.Беихтиёр қилинадиган харидлар
Сиз ҳаётингизда ҳеч бўлмаса бир марта дўкондан ўзингиз сотиб олишни режалаштирмаган буюмлар солинган пакетлар билан чиққан бўлишингиз муқаррар. Ҳаммаси ўз-ўзидан содир бўлади: кўрасиз, хоҳлайсиз, сотиб оласиз.Бундай одат билан курашишга режалаштириш ва сотиб оладиган нарсаларнинг рўйхатини тузиш ёрдам беради. Агар сиз дўконга кечки овқат учун озиқ-овқатларни сотиб олишга чиқаётган бўлсангиз, ортиқча ҳеч нарса олманг.
Сизга қанча пул керак бўлишини олдиндан ҳисобланг ва ўзингиз билан фақат шунча олинг. Шундай қилсангиз ортиқча нарсаларни олмасликка ҳаракат қиласиз.
2. Меъёридан ортиқча ишлатиш
Одамлар ҳақиқатда керак бўладиганидан кўра кўпроқ сотиб олишади. Тажрибадан маълумки, биз орзу қилган нарсаларнинг кўпчилиги сотиб олингандан кейин ишлатилмасдан қолиб кетади. Шунинг учун ортиқча нарсаларни сотиб олмасликка ҳаракат қилинг.Беихтиёр харид қилишлар юз бермаслиги учун тартиб жорий қилишга тўғри келади. Унчалик зарур бўлмаган бирон нарсани сотиб олишни жуда хоҳлаган пайтингизда ўйлаб кўриш учун бироз тўхтаб олинг.
Бу вақт тугагунча, сиз ҳаёт учун жуда муҳим бўлиб кўринган нарса ҳақида бутунлай унутишингиз эҳтимоли мавжуд.
3. Пул йиғишга нотўғри ёндашиш
Ҳатто сиз баъзи миқдордаги пулни мунтазам равишда йиғиб қўйишга қатъий қарор қилган бўлсангиз ҳам охир-оқибат бу ниятингиз чиппакка чиқиш эҳтимоли кўпроқ.Нақд пулни сақлаш — унчалик яхши фикр эмас. Ҳар қандай вазиятда ҳам сиз бу йиғилган пуллардан бемалол ишлата оласиз. Бунинг устига ҳаракатсиз ётган пуллардан ҳеч қандай фойда йўқ: эртами-кечми улар бутунлай қадрсизланиб кетади.
Энг яхши йўли — қолдиғига фоиз қўшиладиган банк картасига қўйиш. Ҳисобингизда маълум миқдорда пул қолдиғи бўлгани учун банк мунтазам равишда сизга пул ташлаб туради. Биринчидан, бу жамғармага тегинмаслик учун сабаб бўлади, иккинчидан, улар сизнинг иштирокингизсиз бироз кўпаяди.
Манба: Trendymen
Изоҳ (0)