Дубайда яшовчи аёл тўрт ёшли ўғли билан бирга Bur Dubai туманидаги меҳмонхонанинг 6-қаватидан сакради, деб ёзади UAE Inside.
Полиция маълумотларига кўра, аёл саратонга чалинган ўғлининг азобланишларига ортиқ тоқат қила олмагани туфайли шундай ишга қўл урган.
Воқеа жойига етиб келгач, полиция хонадан иккита хатни топган, улардан бири полицияга, иккинчиси аёлнинг эрига атаб ёзилган. Полицияга мактубда аёл ўз қилмишининг сабабини келтирган. Эрига ёзган хатида эса у фарзандини «олиб кетгани» учун кечирим сўраган.
Боланинг отаси айтишича, она руҳий касалликдан азоб чеккан ва кўзига ҳар хил нарсалар кўринган.
Изоҳ (0)