ИШИДга қарши кураш бўйича халқаро коалиция кучлари Ироқ ва Суриядаги жангарилар марраларига 26 маротаба ҳаво зарбаси берди. Бу ҳақда «РИА Новости» хабар бермоқда.
Сурияда 20 та бомбардимон амалга оширилди. Дайр аз-Завр, Раққа ва Ал-Шаддади ҳудудларида ИШИД тактик бўлинмаларига зарба берилди ва бир неча ўт очиш марраси, транспорт воситалари ҳамда қўмондонлик-назорат пунктлари йўқ қилинди.
Ироқдаги 6 та бомбардимон натижасида тактик бўлинмалар, транспорт воситалари, қурол-яроғ омборлари ва жангариларга тегишли иншоотлар йўқ қилинишига эришилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)