Франциянинг молиявий қонунбузарликлар билан шуғуллнувчи прокуратураси мамлакатнинг собиқ президенти Николя Саркозини судга топширишни талаб қилди. Бу ҳақда, Le Parisien газетасига асосланиб, «ТАСС» хабар бермоқда.
Айтилишича, прокуратура Саркозини коррупцияда, порахўрликда ва хизмат сирининг фош этилганини яширишда айбламоқда.
Шу каби айбловлар прокуратура томонидан унинг адвокати Тьерри Эрзог ва кассацион суд ҳузуридаги собиқ бош прокурор, айни кунларда нафақадаги Жильбер Азиберга қарши илгари сурилган.
Суд текширувини ўтказиш бўйича сўров прокурор Элиан Улетт томонидан имзоланган, аммо ҳали Саркозига етказилмаган.
Терговчиларнинг фикрича, Саркози 2014 йили Эрзог орқали Азибердан ёпиқ хизмат маълумотини олишга уринган. Собиқ президент шу йўл билан «Беттанкур иши» доирасида мусодара қилинган ишчи ёзувларни қайтаришга уринган.
«Беттанкур иши» 2007 йили Саркозининг президентлик кампанияси ноқонуний молиялаштирилгани юзасидан юз берган можародир.
Изоҳ (0)