6 октябрь куни Россиянинг Владимир вилояти, Покров туманида автобус поезд билан тўқнашиб кетди. Автобус ичида асосан ўзбекистонликлар бўлган. Турли маълумотларга қараганда, 16 кишидан 19 кишига ҳалок бўлган. Ўзбекистон ва Россия мутасаддилари фожиа юзасидан зарур ишларни амалга оширмоқда. Жумладан, ҳалок бўлганлар ва жабрланганларни қайтариш учун Ўзбекистон мудофаа вазирлигининг махсус самолётида бортида шифокорлар ва расмий идоралар вакиллари билан Россияга учиб кетди. Ҳалок бўлганларнинг кўпчилиги сурхондарёлик бўлгани учун борт Термизда қўнади.
«ТАСС» ЙТҲ ҳақида қисқача маълумотнома келтирди.
Воқеа
Санкт-Петербург – Нижний Новгород йўналиши бўйича кетаётган поезд автобус билан тўқнашиб кетди. Йўловчилар ўзбекистонлик, икки ҳайдовчи қозоғистонлик эди.ЙТҲ оқибатида, юқорида айтилганидан, 16 кишидан 19 кишига ҳалок бўлди. Уларнинг орасида бир бола ҳам бор. Беш киши жабрланди. 30 дан ортиқ одам тўқнашув олдидан автобусдан чиқишга улгурди. Поезд йўловчилари ва бригадаси жабрланмади.
Ҳалок бўлганлар тўқнашув чоғида ухлаб ётгани тахмин қилинмоқда.
Дастлабки версияга кўра, Покровга яқин темир йўлни кесиб ўтиш жойига яқин ҳудудда автобус тирбандликка тушиб қолган. Ҳайдовчи айланиб ўтмоқчи бўлган, бунинг учун ён трассадан темир йўлни кесиб ўтиш жойига йўл олган.
Фожиа сабаблари
Россия ИИВ минтақавий бошқармасига кўра, автобус темир йўл устида бузилиб қолган. Айрим йўловчилар автобусни йўлдан итариб чиқармоқчи бўлган, аммо улгурмаган.Кейинчалик тирик қолган ҳайдовчи аккумулятор заифлиги боис автобус ўт олмаганини ҳикоя қилиб берди. Шунингдек, у автобус эксплуатацияга киритилганидан бери биринчи марта бузилганини билдирди (автобус 1990 йили чиқарилган).
Темир йўл бошқармаси вакиллари ўтиш йўли шлагбаум, ёруғлик ва овоз сигнализациясига эга бўлганини уқтирмоқда.
Поезд машинисти фавқулодда тормозланишни қўллаган, аммо тўлиқ тўхтатиш учун масофа яқинлик қилган.
Тергов ЙТҲнинг уч вариантини ўрганмоқда: автобуснинг техник носозлиги, автобус ҳайдовчиси томонидан йўл ҳаракати қоидасининг бузилиши, поезд бригадаси томонидан йўл ва хавфсизлик қоидаларининг бузилиши.
Расмийлар нима чоралар кўрмоқда?
Москва минтақалараро тергов бошқармаси ЙТҲ юзасидан жиноий иш қўзғатди. Россия транспорт вазири Максим Соколов «Ространснадзор»га Владимирдаги ЙТҲ юзасидан комиссия тузишни топширди.Россия ички ишлар вазири Владимир Колоколсев вилоятга йўл ҳаракати хавфсизлиги бошқармаси зобитлари гуруҳини терговда иштирок этиш учун йўллади.
Ўзбекистон Президенти Шавкат Мирзиёев ҳалок бўлганларнинг таналарини ва жабрланганларни мамлакатга қайтариш бўйича комиссия тузишни топширди.
Россия бош прокуратураси мамлакатнинг барча минтақаларида темир йўлни кесиб ўтиш жойлари хавфсизлигини текшира бошлади.
Россия ФВВ фожиа муносабати билан доимий телефон линияларини ташкил қилди. Унинг рақамлари: 8-(4922)-39-99-99 и 8-(4922) 40-61-32.
Изоҳ (0)