6 октябрнинг эътиборга молик янгиликлари — «Дарё»нинг кечки дайжестида.
1. Россиядаги автобус ва поезд тўқнашуви оқибатида камида 15 ўзбекистонлик ҳалок бўлди. Автобусда 50 дан ортиқ Ўзбекистон фуқароси бўлган. Икки бола оғир аҳволда шифохонага ётқизилган.
2. Владимирдаги ЙТҲ ҳақида нималар маълум? Дастлабки версияга кўра, Покровга яқин темир йўлни кесиб ўтиладиган жой яқинида автобус тирбандликка тушиб қолган. Ҳайдовчи айланиб ўтмоқчи бўлган, бунинг учун ён трассадан темир йўл ўтишига йўл олган.
3. Тошкент юридик коллежида икки ўқувчи коллеждоши томонидан пичоқланди, улардан бири вафот этди. 2000 йилда туғилган Асадбек Парпибоев олган жароҳати оқибатида шифохонада вафот этди.
4. Олийгоҳларга юқори контракт нархлари бўйича талабаларни қабул қилиш квоталари 10 октябрдан кейин эълон қилинади. Қабул абитуриентларнинг тўплаган балли кетма-кетлигига қараб белгиланади. Бунда абитуриент ўтиш баллини (68 баллдан юқори) тўплаган бўлиши ва контрактни тўлаш имконига эга бўлиши талаб этилади.
5. Тинчлик бўйича Нобель мукофоти ядровий қуролларни тақиқлаш бўйича халқаро кампанияга берилди. Нобель қўмитасининг таъкидлашича, ИCАН «бундай қуролларни тақиқлаш тўғрисидаги битимни имзолашга муваффақ бўлган».
Изоҳ (0)