6-oktabr kuni Rossiyaning Vladimir viloyati, Pokrov tumanida avtobus poyezd bilan to‘qnashib ketdi. Avtobus ichida asosan o‘zbekistonliklar bo‘lgan. Turli ma’lumotlarga qaraganda, 16 kishidan 19 kishiga halok bo‘lgan. O‘zbekiston va Rossiya mutasaddilari fojia yuzasidan zarur ishlarni amalga oshirmoqda. Jumladan, halok bo‘lganlar va jabrlanganlarni qaytarish uchun O‘zbekiston mudofaa vazirligining maxsus samolyotida bortida shifokorlar va rasmiy idoralar vakillari bilan Rossiyaga uchib ketdi. Halok bo‘lganlarning ko‘pchiligi surxondaryolik bo‘lgani uchun bort Termizda qo‘nadi.
“TASS” YTH haqida qisqacha ma’lumotnoma keltirdi.
Voqea
Sankt-Peterburg – Nijniy Novgorod yo‘nalishi bo‘yicha ketayotgan poyezd avtobus bilan to‘qnashib ketdi. Yo‘lovchilar o‘zbekistonlik, ikki haydovchi qozog‘istonlik edi.YTH oqibatida, yuqorida aytilganidan, 16 kishidan 19 kishiga halok bo‘ldi. Ularning orasida bir bola ham bor. Besh kishi jabrlandi. 30 dan ortiq odam to‘qnashuv oldidan avtobusdan chiqishga ulgurdi. Poyezd yo‘lovchilari va brigadasi jabrlanmadi.
Halok bo‘lganlar to‘qnashuv chog‘ida uxlab yotgani taxmin qilinmoqda.
Dastlabki versiyaga ko‘ra, Pokrovga yaqin temir yo‘lni kesib o‘tish joyiga yaqin hududda avtobus tirbandlikka tushib qolgan. Haydovchi aylanib o‘tmoqchi bo‘lgan, buning uchun yon trassadan temir yo‘lni kesib o‘tish joyiga yo‘l olgan.
Fojia sabablari
Rossiya IIV mintaqaviy boshqarmasiga ko‘ra, avtobus temir yo‘l ustida buzilib qolgan. Ayrim yo‘lovchilar avtobusni yo‘ldan itarib chiqarmoqchi bo‘lgan, ammo ulgurmagan.Keyinchalik tirik qolgan haydovchi akkumulyator zaifligi bois avtobus o‘t olmaganini hikoya qilib berdi. Shuningdek, u avtobus ekspluatatsiyaga kiritilganidan beri birinchi marta buzilganini bildirdi (avtobus 1990-yili chiqarilgan).
Temir yo‘l boshqarmasi vakillari o‘tish yo‘li shlagbaum, yorug‘lik va ovoz signalizatsiyasiga ega bo‘lganini uqtirmoqda.
Poyezd mashinisti favqulodda tormozlanishni qo‘llagan, ammo to‘liq to‘xtatish uchun masofa yaqinlik qilgan.
Tergov YTHning uch variantini o‘rganmoqda: avtobusning texnik nosozligi, avtobus haydovchisi tomonidan yo‘l harakati qoidasining buzilishi, poyezd brigadasi tomonidan yo‘l va xavfsizlik qoidalarining buzilishi.
Rasmiylar nima choralar ko‘rmoqda?
Moskva mintaqalararo tergov boshqarmasi YTH yuzasidan jinoiy ish qo‘zg‘atdi. Rossiya transport vaziri Maksim Sokolov “Rostransnadzor”ga Vladimirdagi YTH yuzasidan komissiya tuzishni topshirdi.Rossiya ichki ishlar vaziri Vladimir Kolokolsev viloyatga yo‘l harakati xavfsizligi boshqarmasi zobitlari guruhini tergovda ishtirok etish uchun yo‘lladi.
O‘zbekiston Prezidenti Shavkat Mirziyoyev halok bo‘lganlarning tanalarini va jabrlanganlarni mamlakatga qaytarish bo‘yicha komissiya tuzishni topshirdi.
Rossiya bosh prokuraturasi mamlakatning barcha mintaqalarida temir yo‘lni kesib o‘tish joylari xavfsizligini tekshira boshladi.
Rossiya FVV fojia munosabati bilan doimiy telefon liniyalarini tashkil qildi. Uning raqamlari: 8-(4922)-39-99-99 i 8-(4922) 40-61-32.
Izoh (0)