Welcome Banner лойиҳасининг асосчиларидан Павел Гурин ўзининг «ВКонтакте» ижтимоий тармоғидаги саҳифасида баннер ишлаб чиқарувчи автоматлар вокзалга сентябрь ойининг ўрталарида ўрнатилганини маълум қилди, деб хабар берди TJournal.
Унинг фикрича, баннерлар нафақат вокзалда кутиб олиниши лозим бўлган меҳмонлар учун, балки табриклар билдиришда ёки футбол учрашувларига ташриф буюрганда ҳам фойдаси тегиши мумкин.
Автомат (дастгоҳ) учта ўлчамдаги баннерларни чоп этади — 40 сантиметр, 1,2 ҳамда 1,8 метр. Ёзувлар сувга чидамли, қаттиқ қоғозга чоп этилади, ундаги ёзувни эса фойдаланувчининг ўзи киритади.
Гуриннинг сўзларига кўра, чоп этиш вақти 1—2 дақиқани ўз ичига олади. Баннер ўлчамидан келиб чиқиб унинг нархи 30о рублдан 700 рублгача, пул банк карталари орқали амалга оширилади.
Welcome Banner асосчисининг таъкидлашича, бу Шарқий Европада амалга оширилган ушбу турдаги биринчи лойиҳа ҳисобланади: унинг аналоглари Амстердам ва Эйндховенда мавжуд.
Изоҳ (0)