Welcome Banner loyihasining asoschilaridan Pavel Gurin o‘zining “VKontakte” ijtimoiy tarmog‘idagi sahifasida banner ishlab chiqaruvchi avtomatlar vokzalga sentabr oyining o‘rtalarida o‘rnatilganini ma’lum qildi, deb xabar berdi TJournal.
Uning fikricha, bannerlar nafaqat vokzalda kutib olinishi lozim bo‘lgan mehmonlar uchun, balki tabriklar bildirishda yoki futbol uchrashuvlariga tashrif buyurganda ham foydasi tegishi mumkin.
Avtomat (dastgoh) uchta o‘lchamdagi bannerlarni chop etadi — 40 santimetr, 1,2 hamda 1,8 metr. Yozuvlar suvga chidamli, qattiq qog‘ozga chop etiladi, undagi yozuvni esa foydalanuvchining o‘zi kiritadi.
Gurinning so‘zlariga ko‘ra, chop etish vaqti 1—2 daqiqani o‘z ichiga oladi. Banner o‘lchamidan kelib chiqib uning narxi 30o rubldan 700 rublgacha, pul bank kartalari orqali amalga oshiriladi.
Welcome Banner asoschisining ta’kidlashicha, bu Sharqiy Yevropada amalga oshirilgan ushbu turdagi birinchi loyiha hisoblanadi: uning analoglari Amsterdam va Eyndxovenda mavjud.
Izoh (0)